Pas mungesës disamujore të portierit të Barcelonës, Marc-Andre ter Stegen, i cili grisi tendinën e patelës në fitoren 5-1 ndaj Villarrealit, katalunasit po sjellin portierin polak Wojciech Szczesny si zëvendësues të Ter Stegen.
Jerzy Dudek, ish-portieri i rivalëve të Barçës, Real Madrid, beson se bashkëkombësi i tij është më i mirë se Ter Stegen – të paktën në një aspekt.
Dudek për “Goal Poland”: “Ai është një portier krejtësisht ndryshe nga Ter Stegen. Por Barcelona luan një sistem paksa ndryshe, me shumë lojë të shkurtër nga portieri në zonën e rreptësisë. Kalime të tilla prej 20 deri në 30 metra. Ter Stegen e bëri atë në mënyrë perfekte, megjithëse mund të thuash se përsa i përket aftësive të portierit ai është një portier pak më i keq se Wojciech.
Portieri shumëvjeçar i kombëtares së Polonisë përfundoi karrierën e tij në verë pas shtatë vitesh në Juventus Torino. Szczesny kishte luajtur gjithashtu në nivelin më të lartë për Arsenalin dhe AS Roma në karrierën e tij dhe luajti 68 ndeshje në Champions League .
Sipas raportimeve të vazhdueshme të mediave, Barcelona dhe Szczesny kanë rënë dakord për një kontratë njëvjeçare. Ai mund të përfundojë kontrollin mjekësor në klubin e trajnerit të ri Hansi Flick qysh të enjten.