Trajneri Faruk Statovci është shprehur i lumtur me fitoren e skuadrës së tij përball kampionit në fuqi, Ballkanit.
Rilindja 1974 eliminoi nga Kupa e Kosovës, Ballkanin, për të vazhduar rrugëtimin tutje në fazën e 1/8 së finales.
Pas përfundimit të takimit, Statovci iu dha lavëdata futbollistëve të tij duke e vlerësuar lojën e tyre.
“Për ne kampionati ka përfunduar me lojën e fundit kampionale. Sot vetëm e kemi kryer obligimin tonë që e kemi pasur. Këta lojtarë meritojnë lëvdata, sepse sot dhanë gjithçka nga vetja. Kemi bërë një lojë shumë të mirë. Fitorja ndaj Ballkanit është diçka e mirë për të gjithë, sepse Ballkani është ekipi më i mirë, tri herë kampion i Kosovës dhe fitues i Kupës”, ka thënë Statovci të mërkurën për Kohën, transmeton Paparaci.
Rilindja shënoi fitore ndaj Ballkanit pas penalltive, me rezultat 11:10.
Pas eliminimit nga Kupa, trajneri i Ballkanit ka dhënë dorëheqje.