Deputetja e Lidhjes Demokratike të Kosovës, Jehona Lushaku, i ka dalë në mbrojtje kolegut të saj, deputetit Paris Guri.
Pas “sulmeve” nga deputetët e ish-pozitës në Kuvend, Lushaku ka thënë se këto veprime nga deputetët e mazhorancës vetëm e ngrisin më lartë Gurin.
Sipas Lushakut, deputeti Guri përfaqëson një politikë të ndershme, të guximshme, dhe plot dinjitet.
“Sot, në Kuvend u sulmua jo një deputet, por një zë i ri që guxon të kërkojë llogari.
Paris Guri nuk heshti përballë korrupsionit dhe nepotizmit asnjëherë. E tha troç, me kurajo dhe integritet, siç duhet të flasë çdo përfaqësues i popullit. Sulmet ndaj tij nuk e ulin Parisin, por e ngrisin edhe më lart. Ai përfaqëson një politikë që po lind: të ndershme, të guximshme, dhe plot dinjitet. Kjo është fytyra e re e përfaqësimit. Dhe ne jemi me të”, thuhet në postimin e saj në Facebook.