Qytetarët e Podujevës po ankohen se prej mëngjesit të së martës, kur ishte paraparë që kompanitë e pastrimit të largonin mbeturinat, ato ende nuk janë marrë nga disa pika të qytetit.
Banorët raportojnë se plehrat e grumbulluara po krijojnë erë të rëndë dhe po tërheqin qentë endacakë, duke rrezikuar higjienën dhe sigurinë publike.
Nga ana tjetër, deri tani nuk ka pasur ndonjë reagim publik nga kompania e pastrimit apo autoritetet komunale lidhur me vonesën.
Qytetarët kërkojnë që situata të zgjidhet sa më shpejt, pasi përveç shqetësimeve të përditshme, mbeturinat paraqesin edhe rrezik shëndetësor.