Inspektorati Policor i Kosovës bashkë me Policinë e Kosovës ka arrestuar një zyrtar policor të Njësisë Speciale Operative në Vushtrri.
Sipas njoftimit, atij i është caktuar masa e ndalimit për 48 orë me dyshimin se i njëjti ka kryer veprën penale “Keqpërdorim i pozitës apo autoritetit zyrtar” dhe “Armëmbajtje pa leje”.
IPK ka kërkuar suspendimin e tij.
Njoftimi i plotë:
Komunikatë për media
Arrestohet një zyrtar policor i dyshuar për keqpërdorim të detyrës zyrtare
Prishtinë/Vushtrri, 4 shtator 2025
Inspektorati Policor i Kosovës respektivisht Departamenti i Hetimeve në kuadër të një hetimi të përbashkët me Policinë e Kosovës ka arrestuar mbrëmë një zyrtar policor me detyrë në Njësinë Speciale Operative (Divizioni i Njësive Speciale).
Të njëjtit me vendim të prokurorit të Prokurorisë Themelore Mitrovicë i është caktuar masa e ndalimit për 48 orë lidhur me dyshimin se i njëjti ka kryer veprën penale “Keqpërdorim i pozitës apo autoritetit zyrtar” dhe “Armëmbajtje pa leje”.
Në kuadër të veprimeve hetimore dhe me autorizim të organeve të drejtësisë, hetuesit e IPK-së kanë kryer edhe bastisje në objektin e banimit në Vushtrri ku jeton i dyshuari.
IPK në interes të hetimit dhe bazuar në autorizimet ligjore i ka rekomanduar Policisë së Kosovës suspendimin e të njëjtit.
Hetuesit e IPK-së në konsultim të vazhdueshëm me prokurorin përgjegjës pritet të ndërmarrin edhe veprime të tjera hetimore lidhur me këtë rast.