Lëvizja Vetëvendosje ka reaguar për herë të parë pas mbylljes së vendvotimeve e publikimeve të EXIT-POLL-eve nga tri kompani të ndryshme.
Përmes një postimi në Facebook, LVV-ja iu ka bërë thirrje komisionerëve e vëzhguesve të tyre që të kenë kujdes deri në numërimin e votës së fundit.
“Të dashur komisionerë, Ju mbani tani në duar të ardhmen e qytetit tuaj. Të nderuar komisionerë e vëzhgues të Lëvizjes VETËVENDOSJE!, mbrojeni fitoren e qytetarëve!
E vërteta qëndron te numërimi deri në votën e fundit, andaj ju bëjmë thirrje për vigjilencë.
Suksese deri në fitore! Jemi me sytë nga ju!”, thuhet në postimin e tyre.
Sipas EXIT-POLL-eve të publikuara, Lëvizja Vetëvendosje ka fituar vetëm në Fushë Kosovë dhe Gjilan, ndërsa ka humbur në komunat tjera ku ishte në balotazh. Më kryesoret në Prishtinë e Mitrovicë.