Ka pasur shpërthime sporadike të dielën në mëngjes në periferi të Kievit – në verilindje përtej lumit Dnieper dhe në perëndim, raporton CNN, transmeton Paparaci.
Ushtria ukrainase thotë se ka penguar avancimin e një kolone ruse në lagjen perëndimore të Kievit, Bucha.
Më herët, një lloj predhe ka goditur një pallat në të njëjtën zonë. Nuk ka detaje për viktima.
Tymi nga zjarret e shkaktuar nga një sulm me raketa ruse në aeroportin në Vasylkiv të shtunën mbrëma ishte ende i dukshëm 12 orë më vonë.