Federata e Futbollit e Kosovës ka njoftuar se shitja e biletave për ndeshjen miqësore kundër Burkina Fasos do të fillojë të hënën. Sikurse në ndeshjet e kaluara FFK nuk ka vendosur ta ndryshojë çmimin e biletave as për ndeshje miqësore.
Çmimet e biletave mbeten të pa ndryshuara sikurse në ndeshjet e kaluara. Një biletë do të kushtojë nga 5 deri në 80 euro.
Veri dhe Jug 5 euro, Lindje 10 euro, Perëndim 20 euro dhe VIP 80 euro.
Po ashtu në njoftimin e FFK-së bëhet me dije se shitja e biletave do të bëhet përmes platformës online.
Kosova do të përballet me Burkina Fason më 24 mars në stadiumin “Fadil Vokrri” me fillim nga ora 18:00.