Villarreali ka arritur marrëveshje me portierin Pepe Reina, i cili do të luajë për “Nëndetësen e Verdhë” këtë sezon.
Portieri spanjoll ka nënshkruar kontratë me Villarrealin deri në qershor të vitit 2023 dhe rikthehet në klub pas 17 vitesh ku ka luajtur për një sërë klubesh në të gjithë Evropën.
Reina, i cili tashmë ka kryer testet mjekësore, do të kryejë stërvitjen e tij të parë nën drejtimin e Unai Emery këtë të premte. Ai do të prezantohet zyrtarisht si lojtar i Villarrealit të hënën.
Tani ai kthehet në Spanjë për aventurën e tij të dytë me Villarrealin, me të cilin ka luajtur tashmë për tre sezone (2002/03, 2003/04 dhe 2004/05), duke luajtur 147 ndeshje. Ai pranoi vetëm 154 gola, një nga rekordet më të mira në historinë e Villarrealit.
Gjatë gjithë karrierës së tij, Reina ka luajtur gjithsej 874 ndeshje si lojtar profesionist. Ai ka një grumbull mbresëlënës të trofeve. Ai ka fituar Kupën e Botës FIFA (2010), dhe dy kampionate evropiane (2008 dhe 2012) me Spanjën; një Superkupë UEFA (2005), një Kupë FA (2006), një Community Shield (2006) dhe një Kupë Lige (2012) me Liverpoolin; një Coppa Italia (2014) me Napolin; dhe një Bundesligë (2015) me Bayern Munichun. Me Villarrealin, ai fitoi Kupën Intertoto në 2003 dhe 2004.