Zëdhënësja e Lidhjes Demokratike të Kosovës, Sibel Halimi ka thënë se moskoordinimi me aleatët, ka prodhuar shumë pasiguri dhe imazh negativ të Kosovës.
Ajo përmes një shkrimi në llogarinë e saj, ka përmendur vetëm disa prej ngjarjeve të ndodhura së fundi, duke përfshirë kidnapimin e policëve, e sulmet ndaj gazetarëve.
Ajo ka përmendur edhe kryetarin e Leposaviqit, Lulzim Hetemi, i cili për gati 20 ditë po qëndron i mbyllur në objektin e komunës.
“Përjashtimi i FSK nga stërvitja me NATO-n, “Defender Europe 2023’; Mospjesëmarrje e Ambasadorëve të shteteve mike në pritjen shtetërore me rastin e çlirimit dhe Kosova nën masa diplomatike të trajtimit me heshtje!” – janë disa prej çështjeve të tjera që ka përmendur ajo.
Postimi i plotë:
Në këtë situatë mos koordinimi me aleatët, Kosova politike ka prodhuar më shumë pasiguri si dhe imazh negativ:
1. Vend tensionesh ndëretnike me tendencë përshkallëzimi permanent, i pasigurt për investime;
2. Policë afër pensionimit, të kidnapuar nga xhandarmëria Serbe;
3. Gazetarë të sulmuar nga huliganë serb në veri dhe masa administrative ndaj mediave, si mekanizma frikësimi në Prishtinë;
4. Një kryetar komune i ngujuar në zyre dhe subjekt tallje në rrjete sociale;
5. Nën masa ndëshkuese përmes instrumente paralajmëruese nga ShBA dhe BE;
6. Përjashtimi i FSK nga stërvitja me NATO-n, “Defender Europe 2023’;
7. Mospjesëmarrje e Ambasadorëve të shteteve mike në pritjen shtetërore me rastin e çlirimit dhe
8. Kosova nën masa diplomatike të trajtimit me heshtje!