Policia e rajonit të Prishtinës po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale.
Në kontekstin e kësaj, në një operacion të befasishëm që ndërmori policia e kryeqytetit arriti të arrestojë personin e kërkuar, i cili deri sot ishte në arrati.
L. S, mashkull, 39 vjeç, shtetas i Kosovës, pas arrestimit nga ana e policisë, u procedua më tej konform urdhëresës së gjykatës, me ç ‘rast u dërgua në vuajtje të dënimit prej dy vitesh si dhe gjobë prej tre mijë eurosh.